Pamje nga aksidenti i ndodhur në lagjen “Arbëria”, ku një veturë e cila ishte në parking kishe lëvizur duke rënë mbi dy vetura tjera në parking.

Grupi “Vrojtuesit e Lagjes”, në Facebook, kanë publikuar video në të cilën shihet vetura mbi muri duke rënë në parking.

Zëdhënësja e policisë Flora Ahmeti, ka bërë të ditur shkurt se vet-aksidenti ka ndodhur rreth orës 17:30 të ditës së enjte.

Tutje theksoi se policia tashmë ka dalë në vendin e ngjarjes dhe po merret me rastin në fjalë.

“Në aksident janë shkaktuar vetëm dëme materiale”, deklaroi Ahmeti.