Driver Booster - Download Free for Windows 11, 10, 8, 7

Driver Booster: Free updater for Windows 11/10. Renew drivers for graphics, USB, audio, screen, network, printer, and mouse efficiently.!
Get it now for FREE !

Driver Booster Driver Booster Download

Rozeta Hajdari shpalos detajet: Kam takuar 54 investitorë potencialë, janë në pritje të marrjes së tokës

Ministrja e Industrisë, Ndërmarrësisë dhe Tregtisë, Rozeta Hajdari ka deklaruar të martën se është përmirësuar mjedisi i të bërit biznes në Kosovë.

Gjatë raportimit në Komisionin për Ekonomi, ajo tha se vetëm gjatë vitit të kaluar është takuar me 54 investitorë të huaj për të investuar në Kosovë.

Sipas saj, këta ndërmarrës i takojnë kryesisht fushës së industrisë metalike dhe tekstilit.

“Si arritje kryesore e parë është përmirësimi i mjedisit të të bërit biznes. Mbrojtja e tregut dhe konsumatorit është duke u punuar në reformën e inspektimeve edhe tutje, pas Ligjit për inspektime që është miratuar”, tha ajo.

Sipas saj, ndër sfidat e investimeve të huaja në Kosovë janë edhe mungesa e legjislacionit adekuat, për të cilën tha se janë duke punuar në mënyrë intensive.

“Unë si kabinet kam takuar 54 investitorë potencialë, shumë prej tyre janë në pritje të marrjes së tokës. Derisa nuk realizohet ky ligji për investime të qëndrueshme, ligjet për zonat ekonomike, ligji për pronën publike që ende nuk është në hartim e sipër, po ashtu edhe ligjet të tjera, ne si ministri e kemi pak të vështirë pasi nuk i posedojmë tokat. Ka çështje në kadastër, në pronat bujqësore, pronat komunale, në shpronësim, prona të AKP-së. Prej tyre janë kryesisht investitorë gjermanë, në fushën e industrisë metalike, janë investitorë në fushën e tekstilit, janë investitorë në ICT, por edhe në tregtinë dhe ndërtimin e qendrave logjistike”, theksoi ajo.

Ndërkohë, deputeti nga radhët e Lëvizjes Vetëvendosje, Armend Muja tregoi se vitin e kaluar janë krijuar mbi 11 mijë biznese të reja.

Ai shtoi po ashtu se janë rritur investimet private, kurse fitimet e bizneseve kanë qenë rreth 160 milionë euro.

Kësisoj, ai kërkoi nga bizneset që t’ua rrisin rrogën punëtorëve e që mos të humbet fuqia punëtore.

Por në disa pika pati kundërshtime dhe kritika deputeti i LDK-së, Besian Mustafa.

Ligjvënësi opozitar theksoi se gjatë dy viteve të qeverisjes së LVV-së, “nuk ka parë asnjë investim të huaj në Kosovë”.

“Me sa e kuptova në këtë periudhën dyvjeçare pra nuk ka një projekt të caktuar të një investitori të huaj që keni arritur ta bartni nga fillimi në fund”, u shpreh ai gjatë ditës së sotme.

Mirëpo, Mustafa mori një përgjigje nga e para e MINT-it. Hajdari theksoi se kanë pasur 17 panaire ndërkombëtare ku ka takuar investitorë për t’i sjellë në Kosovë.

“Gjatë vitit 2022 kemi pasur 17 panaire ndërkombëtare për sektorë prioritete ku kanë marrë pjesë shumë ndërmarrje tona, por edhe kanë kontaktuar shumë biznese ndërkombëtare. Kjo ishte agjendë e punës sime që në takimet e jashtme të takoi investitorët”, shpjegoi Hajdari.

Megjithatë, këtu u përfshi edhe deputeti Armend Muja. Ai i paraqiti disa statistika që sipas tij tregojnë efikasitetin e masave qeveritare në klimën e të bërit biznes.

“Sa i përket numrit të bizneseve ju thoni se në vitin 2022 janë krijuar 11 mijë e 24 biznese që mund të jetë numri më i madh i bizneseve të reja të krijuara në 10 vitet e fundit. Ne mund të konkuludojmë se në vitin 2022 ka pasur numër rekord të bizneseve të reja të krijuara. Sa i përket investimeve private në bazë të dhënave të BQK-së, po ashtu në vitin 2022 janë rreth 6 miliardë euro investime private. Tre, sa i përket fitimit, apo fitojnë bizneset mjaftueshëm pasi është krijuar një lloj apokalipsi i pa qenë. Në bazë të dhënave të tatimit në fitim të korporatave, fitimi i bizneseve në vitin 2022 është dyfish. Në vitin 2022 bizneset i kanë raportuar 160 milionë euro fitim tek ATK-ja. Kjo është reflektim potencialisht i 1.6 miliardë euro fitim. A dini sa kanë qenë fitimi në fitin 2019, 94 milionë pra është po thuajse dyfishim. Sa i përket kësaj është mirë se ka shumë propagandë që financohet nga grupet e interesit për të krijuar një apokalips. Numri i bizneseve të krijuara në Kosovë është më i larti në histori, investimet private janë rekord në histori dhe e trata ka pasur fitim rekord të bizneseve. Kjo i bie se tash bizneset duhet të rrisin rrogat punëtorëve dhe me shpërnda pak që mos me humbur fuqinë punëtore”, tha Muja.

Më vonë, kryetari i Komisionit për Ekonomi dhe deputeti i PDK-së, Ferat Shala, pyeti ministren Hajdari për artefaktet e Kosovës që janë prezantuar në panairin “Expo Dubai”, të cilat sipas tij janë kthyer në Kosovë me shtatë muaj vonesë.

“Artefaktet që kanë qenë të prezantuara në Dubai nuk janë kthyer në Kosovë. Pra rreth shtatë muaj, artefaktet me vlerë që ka përzgjedhur ministria juaj me marrë pjesë atje, ku kanë qëndruar, pse s’janë kthyer me kohë. Në dispozicion të kujt kanë qenë artefaktet kulturore”, ishte pyetja e Shalës.

Më pas, ministrja Hajdari sqaroi se të gjitha artefaktet janë kthyer në Kosovë në gjendje të rregullt, mirëpo për shkak të procedurave nuk kanë mundur të vijnë menjëherë pas përfundimit të panairit.

“Sa i përket artefakteve, të gjitha ato janë kthyer në Republikën e Kosovës. Unë personalisht isha në Doganë duke numëruar të gjitha artefaktet se si kanë ardhur, por ne kemi pasur të kontraktuar të gjithë operatorët ekonomikë dhe sigurimin e tyre. Ato kanë qenë me vlerë tejet të lartë kombëtare”, u shpreh ajo.

Sidoqoftë, ky komision nuk pati kuorum për vendimmarrje në shqyrtimin e raportimit me rekomandime lidhur me Projektligjin për ndryshimin dhe plotësimin e Ligjit për energjinë.

Go to TOP