Mbante disa “shtëpi kanabisi”, Britania pritet ta dëbojë shqiptarin me tetë identitete të cilit iu konfiskuan edhe mijëra funta

Një shqiptar me “tetë pseudonime” do të dëbohet nga Britania e Madhe drejt Shqipërisë, pasi në banesën e tij u gjetën 10 mijë funta të përfituara nga aktiviteti kriminal.

Edlir Ganoshi kishte hyrë ilegalisht në Mbretërinë e Bashkuar dhe “njihej” nga policia për faktin që kishte identitete të ndryshme.

32-vjeçari u burgos në vitin 2018 për përfshirje në prodhimin e kanabisit dhe tani përballet me deportim pasi mijëra paund cash u gjetën në vendin ku ai jetonte në prill të këtij viti.

Ganoshi ishte pjesë e një bande që kontrollonte disa ferma kanabisi të shpërndara në zona të ndryshme të vendit, e që sillnin rreth 2 milionë funta të ardhura çdo vit. ]

Ky aktivitet kriminal mori fund në Prill të 2021, pas një operacioni që zgjati 10 muaj.

Ganoshi thuhet se mbikëqyrte bandën së bashku me Elidjon Pashallarin dhe Arber Ganoshin, njofton gazetashqip.

Go to TOP