Twitter ka vënë një etiketë “media të lidhur me qeverinë e Serbisë” në llogaritë e të pesë kanaleve televizive me mbulim kombëtar në vend: transmetuesi publik Radio-Televizioni i Serbisë (RTS) dhe Prva në pronësi private, Pr9, b92, Pink dhe Pink.

Rrjeti social i ka vënë të njëjtën etiketë transmetuesit publik të Krahinës Autonome të Vojvodinës, RTV, si dhe llogarive të disa prej gazetave me tirazhin më të lartë në vend: e përditshmja Politika dhe tabloidet Informer dhe Kurir.

Sipas Twitter, “media e lidhur me shtetin përkufizohet si media ku shteti ushtron kontroll mbi përmbajtjen editoriale përmes burimeve financiare, presioneve të drejtpërdrejta ose të tërthorta politike dhe/ose kontroll mbi prodhimin dhe shpërndarjen”.

Etiketat përdoren nga rrjeti social me qëllim të sigurimit të kontekstit shtesë në lidhje me llogaritë.

“Organizatat e financuara nga shteti me pavarësi editoriale, si BBC në Mbretërinë e Bashkuar ose NPR në SHBA për shembull, nuk përcaktohen si media të lidhura me shtetin për qëllimet e kësaj politike”, shpjegon Twitter.

Mosbalancimi i mediave në Serbi në favor të Partisë Progresive Serbe në pushtet (SNS) dhe partnerëve të saj të koalicionit ka qenë një temë e raporteve të shumta nga organizatat e shoqërisë civile, si dhe Zyra e Institucioneve Demokratike dhe të Drejtave të Njeriut (ODIHR), e cila monitoroi vitin 2020 zgjedhjet në Serbi.

Shumica e kanaleve televizive me mbulim kombëtar dhe shumica e gazetave promovojnë politikat qeveritare. Disa media që ofrojnë pikëpamje alternative nuk ofrojnë asnjë kundërpeshë efektive, duke kompromentuar larminë e pikëpamjeve të disponueshme për votuesit në mediat tradicionale ”, deklaroi ODIHR në Raportin Përfundimtar mbi zgjedhjet në Serbi.

Sipas monitorimit të mediave të kryer nga Qendra për Kërkim, Transparencë dhe Llogaridhënie (CRTA), nga korriku 2020 deri në mars 2021, partitë në pushtet kanë marrë rreth 90% të kohës të segmenteve qendrore të lajmeve të kanaleve me mbulim kombëtar, e opozita merr 10% të kohës së mbetur. Vetëm Presidenti Aleksandar Vuçiç mori të paktën 40% të kohës së kushtuar për të gjithë aktorët politikë çdo muaj nga korriku 2020 deri në mars 2021, zbuloi CRTA.

Kanalet televizive dhe portalet shoqëruese që nuk kanë marrë etiketën “të lidhur me qeverinë” nga Twitter përfshijnë kanalet kabllore N1 dhe Nova S, si dhe gazetën ditore Danas. Këto media kanë qenë të qëndrueshme në kritikat e tyre ndaj qeverisë për vite me radhë, por shtrirja e tyre mbetet e kufizuar.

Qeveria e Serbisë është akuzuar për abuzim me paratë publike qw i investon nw kanale televizive dhe gazeta. Akuzat u përqëndruan në projektin e financimit të mediave nga buxheti i shtetit, i cili në shumë raste shpërblehet për mediat pro-qeveritare, përfshirë tabloidet, dhe kontratat e bëra nga Telekom Srbija në pronësi shtetërore.

Në gusht 2020, Nënkryetarja e Partisë opozitare për Liri dhe Drejtësi Marinika Tepiç zbuloi një kontratë me vlerë 38 milionë euro midis Telekom dhe mediave Uireless, një kompani e Igor Žeželj, i cili është gjithashtu pronar i gazetës Kurir, e etiketuar tani nga Twitter si “i lidhur me qeverinë”.

Sipas Tepić, Zeželj përdori një pjesë të shumës prej 38 milion për të blerë tabloidin Kurir. Tepić kujtoi besnikërinë e mëparshme të Kurir, e cila nganjëherë ishte kritike ndaj SNS dhe Aleksandar Vučić. Nën pronësinë e Žeželj, tabloidi ka qenë fort pro-SNS.

Një rast tjetër ndodhi në vitin 2018, kur Telekom bleu sistemin kabllor Kopernikus. Pronari i mëparshëm i Kopernikus Srđan Milovanović, vëllai i të cilit është anëtar i rangut të lartë SNS, menjëherë më pas bleu dy kanale televizive me frekuencë kombëtare Prva dhe b92, për një shumë të ngjashme me atë që i shiti kompanisë së tij Telekomit. Të dy kanalet shpejt u bënë gjithashtu pro-SNS gjithashtu, me nikoqirët e shfaqjeve satirike Ivan Ivanović dhe Zoran Kesić duke i lënë ata për Nova S. Prva dhe b92 tani janë etiketuar gjithashtu nga Twitter si të lidhur me qeverinë.