Një person ka vdekur pasditen e së mërkurës në qytetin e Sarandës, pasi është therur me thikë nga një i dyshuar.

Policia bën të ditur se ngjarja ka ndodhur rreth orës 18:30, në lagjen Nr.1, ku dyshohet se gjatë një konflikti të çastit, ka mbetur i plagosur me thikë shtetasi ende i paidentifikuar.

Ai u transportua me urgjencë në spitalin e qytetit, por nuk ka mundur t’u mbijetojë plagëve pavarësisht ndërhyrjes së mjekëve.

Shërbimet e Policisë dhe grupi hetimor kanë shkuar menjëherë në vendngjarje dhe po vijojnë punën intensive për zbardhjen e plotë të rrethanave të ngjarjes, identifikimin dhe kapjen e autorit si dhe identifikimin e shtetasit që ka ndërruar jetë.  /A2CNN/