Në Prishtinë, më 11 shkurt në ora 18:00, në Librarinë Dukagjini, do të promovohet libri “Jam Mysliman” i shkrimtarit dhe publicistit të njohur shqiptar, Ben Blushi. Ky libër ka ngjallur debat të gjerë në hapësirën shqiptare që nga botimi i tij.

“Jam Mysliman” trajton tema të ndjeshme dhe komplekse mbi identitetin fetar, kulturor dhe historik të shqiptarëve, duke ofruar një këndvështrim kritik dhe provokues. Libri fton lexuesin të reflektojë mbi marrëdhënien mes fesë, kombit dhe historisë.

Përmes analizave, argumenteve dhe shembujve historik, Ben Blushi shqyrton rolin e fesë në formësimin e shoqërisë shqiptare dhe mënyrën se si identiteti shqiptar është ndërtuar ndër shekuj. Promovimi ofron mundësi për dialog dhe diskutim mbi këto çështje.