Kosova Info sjell për herë të parë emisionin “Jo të Njëjtë, por të Gjithë të Barabartë”, një format që i kushtohet kategorive me aftësi të kufizuara. Emisioni do të fillojë transmetimin të premten nga ora 20:00 dhe do të udhëhiqet nga Agim Pajaziti.

Mysafiri i parë i këtij edicioni do të jetë Drejtori i HandiKOS Kosova, Afrim Maliqi, me të cilin do të bisedohet për sfidat, mundësitë dhe përfshirjen e personave me aftësi të kufizuara në shoqëri.

Ky emision synon të japë zë historive njerëzore, të rrisë ndërgjegjësimin dhe të promovojë barazinë në çdo aspekt të jetës. /Kosova.info/