Qeveria njofton për shpronësimin e 18 pronave për zgjerimin e magjistrales Prishtinë-Podujevë

Gjatë mbledhjes së sotme Qeveria e Kosovës ka miratuar propozim-vendimin për shpronësimin e 18 pronave kadastrale për zgjerimin e rrugës nacionale Prishtinë – Podujevë.

Ministri i Infrastrukturës, Liburn Aliu gjithashtu ka njoftuar se zonat kadastrale që pritet të shpronësohen janë Bërnicë e Epërme, Bardhosh, Lebanë, Trudë, Prugoc, Besi, Vranidoll, Tenezhdoll, Lupç i Poshtëm, Shakovicë, Llugë, Lluzhan, Penuhë, Siboc i Epërm, Gllamink, Llapashticë e Poshtme e Podujevë.

Kryeministri i vendit, Albin Kurti e ka quajtur rrugën nacionale Prishtinë – Podujevë si prioritet të qeverisë.

“Por me qëllim të realizimit të të drejtave të pronarëve të pronave, pas përfundimit të elaboratit të shpronësimit, qeveria me miratimin e këtij vendimi fillon procedurën e shpronësimit të pronave që preken nga ndërtimi i kësaj rruge për 18 zona kadastrale të komunës së Prishtinës dhe të Podujevës”, tha Kurti,

Go to TOP