Dy të moshuar janë lidhur e plaçkitur në shtëpinë e tyre në të gdhirë të së enjtes në Malësinë e Madhe.

Tom Tinaj me bashkëshorten u grabitën në shtëpinë e tyre në Vermosh të Malsisë së Madhe.

Burimet bëjnë me dije se grabitësit, pas largimit nga Vermoshi kanë pësuar aksident me automjetin e tyre dhe në fshatin Selcë kanë marrë një automjet tjetër nën kërcënimin e armës duke u drejtuar drejt pikës kufitare të Grabomit.

Aty kanë braktisur automjetin dhe kanë ikur në këmbë në drejtim të Malit te Zi.

Policia po punon për zbardhjen e ngjarjes.