Tenisi ka dominuar mbrëmjen gala në Madrid, ku Carlos Alcaraz dhe Aryna Sabalenka janë shpallur sportistët më të mirë të vitit në “Laureus World Sports Awards 2025”.

Alcaraz, vetëm njëzet e dy vjeç, është vlerësuar si sportisti i vitit pasi ka fituar dy turne Grand Slam dhe është rikthyer në vendin e parë të ranglistës botërore në tenis. Ndërkohë, Sabalenka është shpërblyer për një sezon shumë të qëndrueshëm, duke arritur në finale të disa turneve të mëdha dhe duke kryesuar renditjen botërore.

Ceremonia e këtij viti është drejtuar nga dy ish-fitues të “”Laureus…”, Novak Djokovic dhe Eileen Gu.

Në çmime të tjera, golfisti Rory McIlroy është shpallur “rikthimi i vitit” pas suksesit të tij në “The Masters Tournament”, ndërsa piloti i Formula 1 Lando Norris është vlerësuar si zbulimi i vitit pas titullit të tij të parë botëror.

Klubi francez Paris Saint-Germain është shpallur ekipi i vitit pas një sezoni historik me trofe të shumtë, përfshirë edhe titullin e parë në Champions League.

Një çmim i ri këtë vit ka shkuar për talentin e ri të futbollit Lamine Yamal, i cili është shpallur sportisti i ri i vitit pas paraqitjeve të shkëlqyera me Barcelonën dhe kombëtaren e Spanjës.