Marrëdhëniet midis Rusisë dhe Organizatës së Traktatit të Atlantikut të Veriut (NATO) janë në pikën më të ulët. Mundësia e sulmit të Rusisë ndaj Ukrainës i detyroi Shtetet e Bashkuara dhe aleatët e saj të ofrojnë ndihme ushtarake, por edhe çdo ndihmë tjetër për Kievin. Zyrtarisht u tha se e gjithë lidershipi i lartë i Federatës Ruse, përfshirë presidentin Vladimir Putin, mund të binte nën goditjen e sanksioneve, shkruan Kosova.info.

Por Moska është e gatshme të përdorë strategji tjetër për të shpërqendruar vemendjen nga Ukraina.

Sipas portalit rus Topwar.ru, presidenti rus Vladimir Putin ka një ide të rrezikshme. Mund të jetë vendosja e Iskander në Serbi – në thellësi të formacioneve luftarake të NATO-s, të përqendruara në krahun juglindor të Evropës.

Ata thonë se për vendosjen e këtyre sistemeve raketore në territorin e Serbisë, në parim kërkohet pëlqimi i Beogradit. Ky është një skenar i ngjashëm me reagimin e shpejte sikurse ishte me rastin në Kazakistan.

“Mund të jetë vendosja e sistemit raketor taktik Iskander-M në Serbi – në thellësi të formacioneve luftarake të NATO-s, të përqendruara në krahun juglindor të Evropës. Ky sistem raketor me një rreze të deklaruar deri në 500 kilometra, nëse vendoset në Serbi , është në gjendje të mbajë ne vëzhgim territor mbresëlënës, duke arritur në vendet e të ashtuquajturës Katërshja e Vishegradit dhe në territorin evropian të Turqisë, nëse ato vendosen në Serbinë jugore”, shkruan portali rus. Gatishmëria për një bashkëpunim të tillë ky portal pret te tregohet nga zgjedhjet e planifikuara në Serbi më 3 prill, duke treguar se kush do të vijë në pushtet – forcat konstruktive të interesuara për prosperitetin e vendit, apo forcat perëndimore, thekson ky portal. /Kosova.info/