“Ishte shumë traumatike” – Skandali në familjen mbretërore, Amos Zaharia flet për herë të parë për divorcin e motrës

Elia Zaharia dhe Princ Leka janë zyrtarisht të divorcuar, sipas vendimit të Gjykatës së Tiranës me datën 25 prill.

Martesa e tyre, e cila ka qenë gjithnjë në vëmendjen e publikut dhe medias, tashmë është zgjidhur në mënyrë ligjore.

Ndërsa lajmi i divorcit ka qenë një zhvillim i papritur për shumë ndjekës, Amos Zaharia, vëllai i Elia Zaharia, ka zgjedhur të flasë publikisht për herë të parë rreth kësaj situate.

Në një intervistë për emisionin “Cherry on Top” të drejtuar nga Bora Zemani, Amos ka shprehur se edhe pse situata ka qenë e rënduar, tani gjërat janë qetësuar.

Pas publikimit të një videoje ku shihej një konfrontim mes Elia Zaharia dhe Princ Leka, situata u përshkallëzua, duke shkaktuar reagime të shumta dhe diskutime në publik.

“Ishte një gjë e pakëndshme,” u shpreh Amos Zaharia, i cili shtoi se beson se koha është ilaç dhe se çdo gjë do të “bëjë të vetën dhe do të kalojë.”

“Ishte një gjë e pakëndshme, por do të bëjë të vetën dhe do të kalojë. Situata është qetësuar tani. Kur erdhi ‘vala’, ‘cunami’ erdhi si shumë traumatike, por koha rregullon gjithçka”, tha ai.

Videon mund ta gjeni KËTU

Go to TOP