Të dielën pa ujë disa pjesë të Prishtinës dhe Graçanica

Kompania rajonale e ujësjellësit “Prishtina” ka bërë të ditur se të dielën do të jenë pa ujë disa lagje të Prishtinës dhe Graçanica.

Në njoftimin për media bëhet e ditur se kjo për shkak të disa punimeve teknike në gypin magjistral të çelikut DN 600 mm Badovc – Prishtinë.

Lexoni të plotë njoftimin:

Të nderuar konsumatorë, ju njoftojmë se gjatë ditës së nesërme do të realizohen punime teknike në gypin magjistral të çelikut DN 600 mm Badovc – Prishtinë.

Realizimi i punimeve të tilla bëhet gjithnjë për funksionim më të mirë të infrastrukturës së rrjetit të ujësjellësit.

Nesër, duke filluar nga ora 10:00-18:00 pa furnizim me ujë të pijshëm do të mbesin: Graçanica me fshatra, Hajvalia, Veterniku, Mati 1 dhe Bregu i Diellit.

Ua kujtojmë se, kur kemi punime të tilla në gypa më të mëdhenj, në moment që uji vjen në krojet tuaja duhet lënë të rrjedhin për pak minuta për shkak që mund të vijë i turbullt , deri në shpëlajen e linjës.

Go to TOP