Kryeministri i Shqipërisë, Edi Rama do të zhvillojë ditën e sotme një vizitë në Bruksel, ku do të takohet me sekretarin e Përgjithshëm të NATO-s, Jens Stoltenberg.

Pjesë e bisedimeve mes Ramës dhe Stoltenberg pritet të jetë situata e krijuar pas nisjes së luftës në Ukrainë dhe baza e re e NATO në Shqipëri.

Disa ditë më parë, kreu i qeverisë, deklaroi se pjesë e projektit të ri të portit të Durrësit do të jetë një bazë ushtarake e Aleancës së Atlantikut të Veriut që do të ketë një vlerë të madhe strategjike për Shqipërinë.