Një shqiptar 45 vjeç është arrestuar në Britaninë e Madhe pasi është gjetur në një “shtëpi bari”.

I arrestuari është Flamur Shera, që u kap brenda një apartamenti ku ishin mbjellë disa rrënjë kanabisi. Shera u burgos 12 muaj.

Në papafingon e Sherës, policia ka zbuluar plot bimë me kanabis dhe ishte pajisur me ventilatorë, transformatorë dhe sistem vaditje. Në këto ambiente ishin 247 rrënjë të kanabisit.

Kur u pyet nga policia, Shera tha se ka ardhur në Britaninë e Madhe si turist në muajin korrik dhe se një rumun i kishte dhënë hua prej 1000 paund, si paradhënie për pagat që do të merrte kur të niste punë në ndërtim.

Mirëpo, puna nuk u krye dhe u dërgua në fermën e kanabisit.