EKONOMI

Tërheqja e kursimeve nga Trusti, Jashari: Ka interesim të madh nga qytetarët për ta nënshkruar peticionin

Deputetët e Kuvendit të Kosovës gjatë javës së kaluar nuk kishin arritur që të miratojnë Projektligjin që lejon tërheqjen e kursimeve nga Fondi Pensional (Trusti).

Kundër kësaj kanë votuar deputetët Lëvizjes Vetëvendosje. Nga 102 deputetë në sallë, 44 patën votuar për, 57 kundër dhe 1 abstenim.

Se qytetarët kërkojnë që të tërheqin kursimet nga Trusti, tregon interesimi i tyre për ta nënshkruar peticion e iniciuar nga nisma “Pro tërheqjes së 30 për qind të Trustit”.

Adnan Jashari nga kjo nismë tregon për Telegrafin se për ta nënshkruar këtë peticion, interesim ka edhe nga punëtorët e disa ndërmarrjeve.

“Kemi filluar me peticion për Trustin në disa qytete të Kosovës dhe ka interesim të madh të qytetarëve për të nënshkruar, si shkak i gjendjes se rendë me çmimet e larta. Mbledhja ka filluar në Prishtinë, Fushë Kosovë, Prizren, Mitrovicë, Ferizaj, Skenderaj dhe Han i Elezit. Gjithashtu interesimin për të nënshkruar kanë shpreh edhe punëtoret e KEK-ut dhe fabrikës së Feronikelit”, tha Jashari.

Ai thekson se nënshkrimet e mbledhura do t’i dërgojnë në Kuvendin e Kosovës.

“Ka edhe qytetarë të ndryshëm që kanë nënshkruar peticionin dhe po e mbushin me kolegë të punës, miq e familjarë. Nënshkrimet e mbledhura do t’i dërgojmë në Kuvend. Sipas rregullores së Kuvendit me 10 mijë nënshkrime, mund të krijohet Projektligji përmes nismës legjislative të qytetarëve”, theksoi ai.

Sipas Jasharit, Qeveria e Kosovës duhet ta ndryshojë qasjen sa i përket Projektligjit për Trustin.

“Ne shpresojmë që Qeveria e Kosovës të ndryshojë qasje sa i përket Projektligjit për Trustin pasi qytetarët në të gjithë Kosovën e kanë nënshkruar peticionin për ta rikthyer dhe votuar Projektligjin që lejon tërheqjen deri 30 për qind të kursimeve nga Trusti”, përfundon Jashari.

Sipas një hulumtimi të Institutit për Studime të Avancuara GAP, afër gjysma e kontributdhënësve do të mund t’i tërhiqnin mesatarisht nga 95.5 euro nga Trusti.

Vlera mesatare e kursimeve të një kontributdhënësi në Fond është 5,400 euro.

Në vitin 2020, pas krizës ekonomike që ka shkaktuar pandemia COVID-19, Kuvendi i Kosovës ka miratuar Ligjin për Rimëkëmbjen Ekonomike, që u ka mundësuar qytetarëve tërheqjen e 10 për qind të shumës së siguruar nga kursimet pensionale, gjatë kohës sa kanë punuar.

Procesi i tërheqjes së kësaj përqindjeje nga Trusti ka nisur nga fundi i dhjetorit të vitit 2020 dhe ka zgjatur deri në fillim të prillit të vitit 2021.

Nga të dhënat e Fondit për Kursime Pensionale, asokohe janë tërhequr mbi 198 milionë euro nga 427,371 kontribuues.

Shfaq më shumë
Back to top button
escort mersin - izmir escort