Mehaj vlerëson lart kontributin e kontingjentit turk në kuadër të KFOR-it

Ministri i Mbrojtjes, Armend Mehaj, priti në takim komandantin e ri të kontingjentit turk të KFOR-it, Kolonel Fatih Cansiz.

Në këtë takim njoftues, ministri Mehaj i uroi mirëseardhjen kolonelit Cansiz, duke theksuar se bashkëpunimi i mirë në mes Republikës së Kosovës dhe Turqisë në fushën e mbrojtjes dhe sigurisë, ashtu si edhe në të gjithë fushat tjera, do të vazhdojë të forcohet edhe më tej.

“Mehaj shprehu mirënjohjen dhe vlerësimin e lartë për kontributin e trupave turke në kuadër të KFOR-it për sigurinë, stabilitetin e vendit dhe mbështetjen e qytetarëve tanë me projekte të shumta”, thuhet në komunikatë.

Nga ana e tij, kolonel Cansiz, u shpreh se detyrë dhe obligim kryesor është dhe mbetet përkrahja e Republikës së Kosovës në secilën fushë. Më tej, ai theksoi se bashkëpunimi në mes të dy vendeve do të bëhet edhe më funksional, sidomos në sferën e arsimimit dhe stërvitjes së pjesëtarëve të FSK-së, në funksion të ngritjes së aftësive dhe kapaciteteve operacionale në procesin aktual të tranzicionit.

Go to TOP