Deputetja e LDK-së, Jehona Lushaku-Sadriu, ka kritikuar ashpër qeverinë Kurti për rritjen e kostos së jetesës duke e cilësuar këtë si një “dhuratë” nga kryeministri për qytetarët.

Ajo ka theksuar se çmimet e produkteve bazë kanë arritur nivele të papërballueshme, ndërsa rritja e tarifave të energjisë elektrike me 165% ka ndodhur pikërisht gjatë mandatit të tij dhe me lejen e tij.

“S’ke çka i kqyrë hartat; je humbësi më i madh, që fatkeqësisht asnjë veprim se merr në interes të qytetarëve, por të Martinave tu!”, ka shkruar ajo duke kritikuar fokusin e kryeministrit në analiza e jo në zgjidhje konkrete për qytetarët.

LDK vazhdimisht ka kritikuar qeverinë për menaxhimin e ekonomisë dhe mungesën e masave për të zbutur krizën e çmimeve, ndërsa opozita kërkon veprime konkrete për të ndihmuar qytetarët. /Kosova.info/