Komuna e Kaçanikut ka njoftuar se Komisioni Komunal i Zgjedhjeve dhe Drejtoria e Administratës së Përgjithshme diskutuan rreth përgatitjeve për zgjedhjet e 12 tetorit.

Sipas njoftimit, në takim u theksua se bashkëpunimi ndër institucional është  faktor i rëndësishëm për mbarëvajtjen e procesit zgjedhor.  

“Kryesuesi  i KKZ-së Artan Mezraja njoftoi për përgatitjet rreth procesit zgjedhor dhe falënderoi  administratën  komunale për bashkëpunimin dhe përkrahjen e deritashme. Ndërsa, drejtoresha Dardana Tafili Dauti theksoi gatishmërinë e administratës  komunale në mbështetjen e  aktiviteteve zgjedhore të  KKZ-së”, thuhet në njoftim

Po ashtu thuhet se në takim u bë e ditur se që nga nesër deri me 29 gusht në ambientet e administratës  komunale do të ofrohen shërbimet  për regjistrim të votuesve nga jashtë, informim dhe ndërrim të qendrave të votimit si dhe informacione rreth procedurave tjera zgjedhore. /Kosova.info/