Rusia po rrit intensitetin e operacioneve të saj në rajonin lindor të Donbasit të Ukrainës, sipas një deklaratë të Ministrisë së  Mbrojtjes të Mbretërisë së Bashkuar.

Forcat ruse po kërkojnë të rrethojnë Severodonetsk, Lyschansk dhe Rubizhne, thha Ministria e Mbrojtjes, shkruan BBC.

Por trupat rusë janë hasur me rezistencë të fortë nga ukrainasit.

“Rusia, megjithatë, ka arritur disa suksese të lokalizuara, pjesërisht për shkak të sistemeve të artilerisë së rëndë,” theksoi inteligjenca britanike.

Marrja e Severodonetsk nga Rusia do të bënte që i gjithë rajoni i Luhansk të ishte në kontrollin e forcave ruse.