Nënkryetari i Lidhja Demokratike e Kosovës, Lutfi Haziri, ka deklaruar se bashkimi i spektrit të djathtë politik nënkupton rikthimin e rolit të LDK-së në shtet dhe kthimin e pushtetit te qytetarët.

Përmes një postimi publik, Haziri bëri të ditur se në mbledhjen e rregullt të kryesisë së Degës së Lidhja Demokratike e Kosovës në Gjilan është funksionalizuar Shtabi i madh për zgjedhjet e parakohshme të 7 qershorit, me qëllim mobilizimin dhe ndërtimin e unitetit të së djathtës.

Ai theksoi se çdo qytetar do të konsiderohet pjesë e këtij shtabi deri në arritjen e objektivit politik, ndërsa paralajmëroi se në ditët në vijim do të funksionalizohen edhe shtabet e nëndegëve.

Sipas Hazirit, së bashku me Forumin e Rinisë dhe Forumin e Gruas do të intensifikohen takimet me qytetarët për, siç tha ai, “rikthimin e madh të LDK-së”.

Në fund, Haziri theksoi se LDK i ka mbyllur dhe riafirmuar të gjitha çështjet më 31 janar duke shtuar se tani është koha për zgjedhjen e unitetit të së djathtës rreth vlerave të LDK-së dhe Rugovizmit. /Kosova.info/