Zëvendëspresidentja amerikane Kamala Harris ka folur me ish-presidentët e ShBA-së Barack Obama dhe Bill Clinton, si dhe me ish-sekretaren e Shtetit Hillary Clinton, raporton CNN duke iu referuar një burimi.

Kjo ishte pjesë e më shumë se 10 orëve që ajo kaloi duke kryer telefonata të dielën pasdite dhe deri në mbrëmje për të mbledhur mbështetjen nga udhëheqësit demokratë pasi presidenti Joe Biden u largua nga gara e 2024-ës.

Siç ka raportuar CNN, në më pak se një ditë, Harrisi arriti mbështetje nga më shumë se 100 liderë partish, ligjvënës, guvernatorë, liderë të punës dhe drejtues të organizatave të avokimit dhe të të drejtave civile.

Deklarata e Obamës nuk e miratoi Harrisin, duke zgjedhur në vend të kësaj të lërë procesin e partisë të zhvillohet. Në të kundërt, Klintonët shprehën mbështetjen e tyre për zëvendëspresidenten.