Shqiponja e ka fituar bindshëm derbin e xhiros në Superligën e hendbollisteve.

Të premten mbrëma në palestrën “Shani Nushi” në Gjakovë, Shqiponja fitoi ndaj Ferizajt me rezultatin 41:30.

Ana Carolini Gonçalves udhëhoqi skuadrën gjakovare duke i realizuar plot 12 gola.

Shtatë i realizoi Alma Nivokazi.

Te skuadra ferizajase më efikasja ishte Lorena Matarova me tetë gola. Shtatë i realizoi Agnesa Hysa.

Shqiponja është e dyta me 24 pikë nga 15 ndeshje. Ferizaj mbetet i treti me 20 pikë nga 14 ndeshje.

Të premten u luajtën edhe dy ndeshje të tjera të xhiros së 16-të. Istogu fitoi në Ferizaj ndaj Kastriotit me rezultat 34:19. Destinee Benie udhëhoqi Istogun me 10 gola. Te Kastrioti, Eliona Maksuti e Elza Reçica i realizuan nga pesë gola.

Liderja e klasifikimit, Samadrexha, fitoi 35:13 ndaj Terezës.

Ardiola Surdulli u dallua te samadrexhaset me shtatë gola. Kaltrina Paci e Melike Ipçi i shënuan nga katër gola për Terezën.

Samadrexha udhëheqë në tabelë me 28 pikë. I ka fituar të gjitha 14 ndeshjes.

Istogu është i katërti me 19 pikë. /Kosova.info/