Chelsea ka arritur fitore ndaj Tottenham Hotspur në një ndeshje dramatike të zhvilluar në “Tottenham Hotspur Stadium”, në kuadër të Javës së pesëmbëdhjetë të Premier League. 

Rezultati përfundimtar ka qenë 4:3.

Vendasit kanë krijuar epërsi të hershme përmes Solanke, i cili e ka shfrytëzuar një gabim të Cucurella për të shënuar në minutën e pestë. Kulusevski e ka dyfishuar avantazhin vetëm gjashtë minuta më vonë me një goditje precize. Megjithatë, Chelsea ka reaguar shpejt, kur Jadon Sancho ka shënuar në minutën e shtatëmbëdhjetë, duke ulur diferencën. Me rezultatin 2:1 ka përfunduar pjesa e parë.

Chelsea e ka marrë kontrollin e ndeshjes pas pushimit. Cole Palmer ka barazuar rezultatin në minutën e gjashtëdhjetë e dytë me një penallti. Pastaj Fernández e ka kaluar Chelsea në epërsi në minutën e shtatëdhjetë e tretë. Palmer e ka vulosur fitoren në minutën e tetëdhjetë e katërt, duke realizuar penalltinë e dytë të ndeshjes me një goditje në stilin “Panenka”.

Në kohën shtesë, Tottenham e ka shënuar golin e tretë përmes Son Heung-min, por ka qenë vonë për ta shmangur humbjen.

Pas kësaj ndeshje, Chelsea gjendet në vendin e dytë me tridhjetë e një pikë, ndërsa Liverpool kryeson tabelën e Premier League me tridhjetë e pesë pikë.