Gazetari hulumtues Fitim Çeku ka bërë të ditur se FBI, në bashkëpunim me institucionet serbe, ka kryer bastisje në disa organizata joqeveritare (OJQ) në Serbi, si pjesë e hetimeve për shpërdorimin e fondeve të USAID-it në Ballkan.

Në një reagim publik, Çeku ka kujtuar se Kosova dikur ishte ndër vendet e para që vepronte sipas kërkesave të SHBA-së, ndërsa tani po tregohet e pavendosur në përmbushjen e urdhrave të FBI-së dhe institucioneve amerikane. Sipas tij, ky hezitim vjen mes dyshimeve për përfshirjen e disa deputetëve dhe ministrave në skandalin e miliona eurove të vjedhura nga fondet e USAID-it.

Çeku ka theksuar se Prokuroria Speciale duhet të veprojë pa u ndikuar nga politika dhe të nisë hetime serioze për këtë çështje. /Kosova.info/