Prishtina i hapi skenën një kryevepre botërore – “Bolero”-s së famshme që pushtoi publikun me emocione të thella dhe mjeshtëri artistike. Valltarët e shndërruan artin në ndjenjë, duke e kthyer performancën në një përjetim që mbetet gjatë në kujtesë.

Kryetari i Prishtinës, Përparim Rama, u shpreh krenar për artistët që me talentin e tyre e bëjnë kryeqytetin të ndriçojë:

“Prishtina është vendi ku krijohet përjetimi. Valltarët e kthyen artin në emocion duke dëshmuar se kultura është gjallëria e qytetit tonë.”

Me këtë ngjarje, kryeqyteti edhe një herë dëshmoi se është epiqendra e artit dhe kulturës, ku skena hapet për vepra të mëdha botërore dhe për emocione që bashkojnë publikun me artin. /Kosova.info/