Avokati Besnik Berisha ka njoftuar se zyrtari policor Vlonjat Behrami është liruar pas intervistimit dhe ndaj tij nuk është caktuar asnjë masë sigurie.

Berisha, i cili e ka mbrojtur Behramin në cilësinë e avokatit, tha se në vlerësimin e tij profesional nuk ka ekzistuar as dyshimi minimal që do të justifikonte hetimin, bastisjen apo shoqërimin e tij në Inspektoratin Policor të Kosovës.

“Shteti i së drejtës kërkon maturi, proporcionalitet dhe respektim rigoroz të standardeve ligjore, sidomos në rastet që prekin integritetin dhe reputacionin e zyrtarëve policorë”, ka deklaruar Berisha.

Ai shtoi se besimi i tij në pafajësinë e Vlonjat Behramit mbetet i plotë. /Kosova.info/