Aktorja amerikane Uma Thurman e pranoi “sekretin e saj më të errët” në një artikull të publikuar në Washington Post të martën.

Ylli i “Kill Bill”, shkroi esenë personale në kritikë ndaj ndalimit të abortit në Teksas.

Thurman tha se kishte një abort në “adoleshencën e saj të vonë”, duke shkruar se “një dritë do të shkëlqejë, duke arritur tek gratë dhe vajzat të cilat mund të ndiejnë turp, nga i cili nuk mund të mbrohen dhe nuk kanë më liri veprimi”.   

“Ky ligj është një mjet tjetër diskriminues kundër atyre që janë në disavantazh ekonomik, dhe shpesh, vërtet, kundër partnerëve të tyre,” tha Thurman.

Ajo vazhdoi, “Gratë dhe fëmijët e familjeve të pasura ruajnë të gjitha zgjedhjet në botë dhe përballen me pak rrezik. Unë jam e pikëlluar gjithashtu, që ligji i vë qytetarët kundër qytetarëve, duke krijuar vigjilentë të rinj që do të prenë këto gra të pafavorizuara, duke u mohuar atyre zgjedhjen për të mos pasur fëmijë për të cilët nuk janë të pajisur për t’u kujdesur, ose duke shuar shpresat e tyre për familjen e ardhshme që ata mund të zgjedhin”.

Në historinë e saj, Thurman vëren se vendimi i saj në një moshë të re, kur ajo ndjehej e paaftë për të siguruar një shtëpi të qëndrueshme, i lejoi asaj të kishte fëmijë kur të ishte gati dhe në gjendje ta bënte atë siç duhet.

Thurman është nëna e vajzës Maya dhe djalit Levon me ish-bashkëshortin Ethan Hawke. Ajo gjithashtu ka një vajzë, Luna, me ish të fejuarin Arpad Busson.

“Ka qenë sekreti im më i errët deri më tani,” tha ajo. “Unë jam 51 vjeç dhe e ndaj me ju nga shtëpia ku kam rritur tre fëmijët e mi, të cilët janë krenaria dhe gëzimi im”.

Thurman shkroi: “Për të gjithë ju, për gratë dhe vajzat e Teksasit, të frikësuara nga traumatizimi dhe përndjekja nga gjuetarët grabitqarë të dhuratave, për të gjitha gratë e zemëruara nga marrja e të drejtave të trupave tanë nga shteti, dhe për të gjithë ju që jeni bërë të prekshëm dhe i nënshtroheni turpit sepse keni një mitër unë them: Unë ju shoh, keni guxim, ti je e bukur, ti më kujton vajzat e mia”.