Gjatë fundjavës parashihet mot kryesisht stabil në vend, megjithëse me vranësira dhe intervale të herëpashershme me diell.

Të shtunën do të mbajë mot kryesisht i vranët, ndërsa në disa zona priten intervale me diell. Temperaturat minimale do të lëvizin nga -4 deri në -2 gradë Celsius, ndërsa ato maksimale nga 3 deri në 5 gradë Celsius. Era do të fryjë nga veriperëndimi me shpejtësi të lehtë, prej 1 deri në 3 m/s.

Të dielën moti do të vazhdojë të jetë i vranët, me intervale të shkurtra me diell. Temperaturat minimale do të zbresin nga -6 deri në -3 gradë Celsius, ndërsa maksimalet do të arrijnë nga 1 deri në 4 gradë Celsius. Era do të fryjë nga verilindja me shpejtësi 1 deri në 4 m/s.

Kushtet atmosferike nuk pritet të sjellin reshje, por temperaturat e ulëta kërkojnë kujdes të shtuar, veçanërisht në orët e mëngjesit dhe të mbrëmjes. /Kosova.info/