Bregu i Diellit, Prishtinë – Lagjja e njohur po përjeton një transformim të dukshëm infrastrukturor, teksa puna në terren po vazhdon me intensitet të lartë.

Kryetari i Komunës së Prishtinës, Përparim Rama, bëri të ditur se po ndërrohen shtyllat ndriçuese në rrugët dytësore, ndërsa rrugët kryesore të lagjes po i nënshtrohen rikonstruktimit të plotë.

Investimet përfshijnë ndriçim më efikas dhe asfaltim cilësor – një hap konkret drejt modernizimit të infrastrukturës urbane dhe përmirësimit të jetës së përditshme të banorëve.

“Lagjja po merr pamjen që e meriton – më moderne, më e qasshme dhe më e gjallë,” tha Rama.

Ky projekt është pjesë e një plani më të gjerë të komunës për të rikthyer funksionalitetin dhe estetikën në zonat urbane të Prishtinës. /Kosova.info/