Analisti politik Bleron Baraliu ka dhënë një koment të fortë mbi situatën politike në Kosovë duke argumentuar se opozita nuk ka mandat e as legjitimitet moral për të formuar një qeveri të re.

Sipas tij, më e udhës do të ishte që opozita të votonte një Qeveri Kurti 3 dhe të rishikonte situatën një vit më vonë, pasi të ishin “ftohur gjakërat.”

Megjithatë, Baraliu sugjeron që pjesë e kësaj marrëveshjeje të ishte edhe testimi psikiatrik i kryeministrit nga 2-3 specialistë duke propozuar që të paktën njëri prej tyre të ishte zviceran, me ironi ndaj besimit që Lëvizja Vetëvendosje i ka institucioneve të Zvicrës. /Kosova.info/