Zyrtarë të Agjencisë Kosovare të Privatizimit kanë zbarkuar sot në fabrikën ‘Lola’ në Zubin Potok, ku po kryejnë një bastisje.

Lidhur me rastin është deklaruar për media serbe edhe drejtori i Policisë për rajonin e Veriut, Veton Elshani, i cili ka thënë se Policia po asiston në aksionin e AKP-së.

Në derën hyrëse të këtij objekti AKP kanë lënë edhe një njoftim në gjuhën serbe, ku sipas Kosovo Online thuhet se prona në fjalë është pronë e ndërmarrjes shoqërore “Lola Alati” në likuidim dhe se është nën administrimin e Agjencisë Kosovare të Privatizimit.