Dy makina janë përplasur në aksin rrugor Elbasan-Peqin, në afërsi të fshatit Bishqem dhe si pasojë e aksidentit ka vdekur një vajzë 8 vjeçe, e pesë të tjerë kanë mbetur të plagosur.

Vajza 8 vjeçe po udhëtonte me një makinë tip ‘Golf’, me targa të Gostivarit, ndërkohë që makina tjetër është me targa shqiptare.

Përplasja ndërmjet dy makinave ka qenë aq e fortë saqë njëra prej tyre ka përfunduar mbi barrierën e rrugës, siç duket edhe nga pamjet.

Sipas raportimeve të gazetarit të Report Tv, Ronaldo Gjoshi, nga vendi i ngjarjes dyshohet se shkak i aksidentit mund te jetë bërë lagështia në rrugë.