Organizata Botërore e Shëndetësisë e ka klasifikuar si “shqetësues” variantin e ri të koronavirusit, që është emërtuar Omicron.

Eksperti kryesor i sëmundjeve ngjitëse në ShBA, Anthony Fauci ka thënë se varianti i ri duket se transmetohet më lehtë; një doktor nga Afrika e Jugut ka thënë se simptomat e variantit të ri duket se janë të lehta dhe pacientët mund të trajtohen në shtëpi; shtetet në mbarë botën, përfshirë Shtetet e Bashkuara, Brazilin, Kanadanë dhe shtetet e Bashkimit Evropian, kanë njoftuar se kanë vendosur ndalesa dhe kufizime të udhëtimeve ndaj Afrikës së Jugut dhe disa shteteve të tjera në jug të Afrikës.