Parlamenti Evropian rekomandon një strategji të re të zgjerimit të Bashkimit Evropian, flet edhe për Kosovën
Raportuesi i Parlamentit Evropian (PE) për strategjinë e zgjerimit, Tonino Picula, prezantoi sot Raportin e Parlamentit Evropian drejtuar Komisionit Evropian në lidhje me strategjinë e re të zgjerimit të BE-së, i cili u miratua sot në seancë plenare. Në raport, Kosovës iu kërkua angazhim në dialogun me Serbinë të udhëhequr prej BE-së si dhe kërkoi liberalizim të vizave, pa vonesë për vendin tonë.
Gjatë debatit, Picula theksoi se në situatën e pushtimit rus të Ukrainës, zgjerimi duhet të marrë një vrull të ri, të jetë i parashikueshëm dhe bindës dhe se çdo vend kandidat për anëtarësim duhet të vlerësohet sipas progresit që bën në reforma, veçanërisht kur ai ka të bëjë me të drejtat e qeverisjes dhe drejtësinë, të cilat duhet të jenë të njëjta si në BE, njoftoi Parlamenti Evropian.
Meqenëse dihet se Serbia nuk dëshiron të jetë pjesë e politikës së përbashkët të jashtme dhe të sigurisë së BE-së, ajo dëshiron të mbetet “e paangazhuar” dhe të mos e shikojë me sy të mirë Parlamentin Evropian, i cili rekomandoi që Këshilli të avancojë negociatat e anëtarësimit me Serbinë vetëm nëse ky vend përputhë politikën e jashtme me atë të BE-së në lidhje me Rusinë, e cila përfshin sanksionet.