Një ortek ka goditur një kamp në majëmalin Yalung Ri në Nepal, të hënën, ku për pasojë kanë vdekur pesë alpinistë të huaj dhe dy udhërrëfyes nepalezë, thanë zyrtarët.

Zëdhënësi i Forcës së Policisë së Armatosur të Nepalit, Shailendra Thapa, tha se pesë persona të tjerë u plagosën në kampin bazë, i cili ndodhet në një lartësi prej 4.900 metrash, raporton CNN.

Identitetet e alpinistëve të huaj ende nuk janë konfirmuar.

Moti në Nepal është përkeqësuar që nga java e kaluar, me stuhi bore në male. Ekipet e shpëtimit po shkojnë në vendngjarje në këmbë. Një helikopter shpëtimi tentoi të arrinte në zonë, por moti i keq e detyroi të kthehej prapa. Thapa tha se do të përpiqet sërish të martën në agim.

Mali Yalung Ri është një majë 5.600 metra i lartë dhe konsiderohet mal për fillestarë që nuk kanë përvojë të mëparshme në ngjitjen e maleve të larta. Nepali është vendi ku ndodhen tetë nga 14 majëmalesh më të larta në botë, përfshirë edhe Everestin.