Sipas raportit të Federatës Botërore të Kardiologjisë në maj 2023, vdekjet nga sëmundjet kardiovaskulare u rritën nga 12.1 milionë në 1990 në 20.5 milionë në 2021.

Ky trend alarmues inkurajon të mendojmë për masat parandaluese që mund të marrim për të mbrojtur shëndetin e zemrës.

Për fat të mirë, shumica e këtyre rasteve mund të parandalohen ose të paktën të kontrollohen me një mënyrë jetese të shëndetshme. Aktiviteti i rregullt fizik, menaxhimi i stresit, Ndërprerja e duhanit dhe konsumimi i moderuar i alkoolit, së bashku me një dietë të ekuilibruar, janë faktorë kyç.

Një dietë e pasur me perime me gjethe, bishtajore, arra, vaj ulliri, manaferra dhe peshk është veçanërisht e rëndësishme për shëndetin e zemrës.

Kardiologët theksojnë rëndësinë e konsumimit të peshkut, veçanërisht salmonit, në ruajtjen e shëndetit të zemrës. Salmoni është i pasur me acide yndyrore omega-3, të cilat janë vendimtare për reduktimin e rrezikut të aritmive dhe inflamacionit vaskular dhe për rregullimin e niveleve të triglicerideve, transmeton Parade.

Sipas kardiologut Dr. Bradley Server, hulumtimet kanë treguar se ngrënia e peshkut katër herë në javë ose më shumë mund të zvogëlojë ndjeshëm rrezikun e sulmit në zemër. Edhe dy porcione peshku në javë mund të kenë një efekt pozitiv në uljen e rrezikut të vdekjes tek njerëzit që tashmë janë diagnostikuar me sëmundje kardiovaskulare.

Këto janë strategji të thjeshta por të fuqishme që mund të ndihmojnë në mbrojtjen e shëndetit të zemrës dhe zvogëlojnë rrezikun e problemeve serioze kardiovaskulare. /Kosova.info/