Harry Kane konsideron se ende ka kohë që sezoni per Bayern Munich të cilësohet i mrekullueshëm. 

Ai ka folur përpara ndeshjes së dytë çerekfinale në shtëpi të mërkurën kundër Arsenalit.

Pavarësisht rezultatit të barabartë në ndeshjen e parë në Londër, 2-2, Kane dhe skuadra e tij janë të vendosur të japin maksimumin në sfidën e dytë.

Kapiteni i ekipit të Anglisë, megjithatë ende pa një trofe të madh në karrierën e tij, ka theksuar rëndësinë e fitores në Champions League për të ndryshuar fytyrën e sezonit për Bayern.

“Dëshira për të fituar Champions League është shumë e qartë brenda klubit tonë. Nëse nuk fitojmë çfarëdo titulli këtë sezon, do të quhet një sezon i dështuar për ne. Kemi ende mundësinë për të kthyer gjithçka në një sezon të mrekullueshëm nëse arrin të fitojmë këtë trofe”, ka deklaruar Kane.

Ndërkohë, ndërsa Bayern Munich synon të përfitojë nga ky shans i fundit për t’u shpallur kampion, rivalët e tyre nga Bundesliga, Bayer Leverkusen, kanë konfirmuar titullin e kampionatit për këtë edicion.