Sulmuesi anësori i Barcelonës, Ousmane Dembele thuhet se ka arritur një marrëveshje në parim për t’iu bashkuar Juventusit si lojtar i lirë në fund të sezonit.

Francezi mbetet pa kontratë në qershor 2022 dhe duket se nuk dëshiron të nënshkruajë një marrëveshje të re me gjigantët e La Liga.

Ish-ylli i Borussia Dortmund ka refuzuar ofertën e fundit të Barcelonës për vazhdimin e kontratës dhe është i vendosur të largohet nga klubi në verë.

Sipas mediumit Diario Sport, Juventusi mund të jetë destinacioni i tij i radhës pasi Zonja e Vjetër ka një marrëveshje në parim me 24-vjeçarin.

Sipas raportit, Dembele nuk ka nënshkruar ende një marrëveshje para-kontrate me Bianconerët pasi ai është ende në pritje të një oferte nga PSG.

Gjigantët e Ligue 1 janë gjithashtu të interesuar për të siguruar shërbimet e tij dhe thuhet se i kanë kërkuar Dembeles që të presë propozimin e tyre përpara se të nënshkruajë me ndonjë klub tjetër.

Manchester United ka paraqitur gjithashtu një ofertë zyrtare për agjentin e Dembeles, Moussa Sissoko, por ende nuk ka arritur një marrëveshje me francezin.