Barcelona ka shënuar një fitore të thellë ndaj Gironës në kuadër të javës së pestë të La Liga.

Ndeshja e zhvilluar në “Estadio Municipal de Montilivi”, Barça ka fituar me rezultat 4-1, duke vazhduar formën e jashtëzakonshme në fillimin e këtij sezoni.

Serinë e golave e ka hapur talenti i ri Lamine Yamal në minutën e tridhjetë. Vetëm shtatë minuta më vonë, Yamal ka realizuar edhe golin e dytë, duke dyfishuar avantazhin për Barcelonën.

Pjesa e parë është mbyllur me rezultatin 2-0. 

Në pjesën e dytë, Barça e ka vazhduar dominimin, duke shënuar golin e tretë përmes Olmo në minutën e dyzet e shtatë.

Ka qenë Pedri ai që e ka kompletur fitoren për Barcelonën në minutën e gjashtëdhjetë e katërt, duke shënuar golin e katërt. 

Girona e ka gjetur golin e nderit në minutën e tetëdhjetë, kur Stuani ka realizuar nga afër për të ngushëlluar tifozët vendas.

Barça me fitoren e pestë radhazi në kampionat është duke e kryesuar renditjen e La Liga, katër pikë më shumë se sa Real Madrid.