Nina Hrushovi, mbesa e Nikita Hrushovit, liderit historik të ish-Bashkimit Sovjetik, e paraqet presidentin rus Vladimir Putin si të gatshëm për çdo gjë, qoftë edhe për një katastrofë bërthamore.

Profesore e marrëdhënieve ndërkombëtare në SHBA, foli për revistën amerikane Newsweek, duke theksuar se Putini është i aftë për çdo gjë, në mënyrë që të mund të pretendojë dhe të shpallë se ka fituar fushën e betejës në lidhje me luftën pas pushtimit të Ukrainës.

Hrushovi, një profesoreshë e çështjeve ndërkombëtare në New School në Nju Jork, tha se kishte frikë (por nuk e parashikonte) se Vladimir Putin mund të zhvillonte përfundimisht një armë bërthamore për të pretenduar fitoren në Ukrainë. 

“Duke pasur parasysh se ka pyetje rreth asaj se sa larg mund të shkojë Rusia për të pretenduar fitoren dhe se armët bërthamore kanë qenë pjesë e debatit nga të dyja palët, Rusia dhe Perëndimi, zgjedhja taktike individuale është potencialisht në tryezë”, tha ajo për Newsweek, duke shtuar se komentet e saj nuk ishin një “parashikim”.

“Dua të jem shumë e qartë”, shtoi ajo. “Nuk them se do të ndodhë, por për nga skenari nuk është as e paimagjinueshme dhe as e pamundur”. 

Më herët, Hrushovi i tha BBC-së se “kjo luftë është me të vërtetë ajo që Putini po planifikon të fitojë me çdo kusht.

“Pa e parashikuar – por kjo mund të jetë një nga opsionet që rusët mund të jenë gati të përdorin. Kujtoj se pak para se Rusia të fillonte pushtimin e saj në Ukrainë, Putin paralajmëroi vendet perëndimore që të qëndrojnë larg konfliktit ndërsa forcat bërthamore të vendit janë vënë në gatishmëri të lartë”, vijoi ajo. 

Dhe paralajmërimi i Vladimir Putin ishte kërcënues: “Çdo vend që ndërhyn do të përballet me pasoja që nuk i keni përjetuar kurrë në historinë tuaj”.