Sot është publikuar super hiti më i ri “AMORE”, kënga që po komentohet menjëherë nga publiku dhe po cilësohet si një nga projektet më të arrira të momentit. Kjo premierë vjen në kuadër të albumit më të ri “AL-BOOM”, një kapitull i ri artistik për Mentor Mripën, i realizuar në bashkëpunim me produksionin By Heki.

Në një prononcim ekskluziv për Kosova.info, Mripa është shprehur se ky album do të sjellë këngë “të bukura dhe të pastra”, me mesazhe të qarta dhe muzikë të mirëfilltë, të punuar me shumë profesionalizëm. Ai ka theksuar se çdo projekt është realizuar me përkushtim maksimal, duke synuar që publikut t’i ofrohet cilësi e lartë dhe emocione të vërteta.

“AMORE” vjen si një kombinim perfekt mes melodisë së ndjerë, interpretimit karakteristik të Mripës dhe një produksioni modern që e bën këngën menjëherë të pëlqyeshme dhe të dëgjueshme. Që në publikim, kënga po konsiderohet një hit i padiskutueshëm, që pritet të dominojë në platformat muzikore dhe në zemrat e adhuruesve.

Artisti premton se ky është vetëm fillimi, pasi të gjitha këngët e albumit do të jenë hite që do t’ju zgjojnë dëshirën t’i dëgjoni pa ndalur — muzikë e mirëfilltë, e pastër dhe me identitet të qartë artistik.

Rikthimi i Mentor Mripës tashmë është vulosur me një super hit. “AMORE” është këtu… dhe do ta dëgjoni gjatë! /Kosova.info/