Policia e Kosovës ka njoftuar se është arrestuar një i mitur në Vushtrri, i cili një javë më parë ishte raportuar për veprën penale të vjedhjes.

Policia thotë se i dyshuari në bashkëveprim edhe me një person tjetër i cili mbetet në kërkim, dyshohet se ka kryer vjedhje të rëndë në një objekt ndërtimi, ku cak  kanë qenë 45 njehsorë uji.

Po ashtu, ka bërë me dije se arrestimi i të dyshuarit është realizuar mbi bazën e dyshimit të arsyeshëm dhe provave të siguruara.

“Pas procedurave të intervistimit, ndaj të dyshuarit të moshës së mitur, me aktvendim të Prokurorit kompetent, i është caktuar masa e ndalimit për 24 orë”, ka njoftuar PK. /Kosova.info/