Organizata e Veteranëve të Luftës së UÇK-së (OVL-UÇK) ka reaguar pas pjesëmarrjes së jashtëzakonshme të qytetarëve në tubimin e sotëm duke shprehur mirënjohje të thellë për mbështetjen masive dhe solidaritetin e treguar.

“Sot folët ju, qytetarë të zakonshëm me zemër të jashtëzakonshme. Jemi pa fjalë. Faleminderit për madhështinë tuaj!”, thuhet në reagimin e Këshillit Organizues të protestës.

Po ashtu, OVL-UÇK ka falënderuar edhe mediat që, sipas tyre, ndihmuan që “zëri i të paqes të dëgjohet kudo”.

“Kur populli ngrihet, padrejtësia nuk kalon dot,” përfundon reagimi, duke theksuar se kjo mbështetje është dëshmi e fuqisë së bashkimit përballë padrejtësive. /Kosova.info/