Analisti Shenoll Muharremi ka analizuar trendët politike në Kosovë, duke parashikuar një riformatim të skenës zgjedhore në vitet e ardhshme. Sipas tij, zgjedhjet mund të mbahen së shpejti ose pas disa vitesh, por graviteti elektoral tashmë po riformulon ekuilibrat mes partive kryesore.

PDK dhe LDK kanë shënuar rimëkëmbje nga performanca e tyre e ulët në zgjedhjet e 2021, ndërsa LVV ka hyrë në një fazë rënieje, duke korrigjuar rezultatin e saj historik prej 50.2%. Muharremi thekson se ky rezultat mund të mbetet i pakapërcyeshëm në të ardhmen e afërt.

Duke analizuar trendët e zgjedhjeve të 9 shkurtit dhe dinamikën e reformave të brendshme në parti, ai vlerëson se PDK, LDK dhe LVV po përplasen në një zonë të përbashkët elektorale rreth 25%. Në këtë garë, dy prej tyre pritet të konsolidohen, ndërsa njëra mund të tkurret më tej. Sipas Muharremit, rezultati përfundimtar do të varet nga reformat, strategjitë dhe pozicionimi i secilës parti në vitet që vijnë. /Kosova.info/