Kryeministri i Kosovës, Albin Kurti ka thënë se zgjerimi i BE-së është përgjigja më e mirë ndaj atyre që kërcënojnë paqen dhe unitetin e Evropës.

Nëpërmjet një postimi në ‘X’, Kurti tha se ka falënderuar presidenten Ursula von der Leyen për ftesën dhe mbështetjen e saj për Ballkanin Perëndimor, teksa ka uruar atë për rizgjedhjen e saj.

Ai theksoi se Kosova është e etur për t’u bashkuar në garën për në krye në një proces anëtarësimi të bazuar në merita.

“Me zgjerimin e kthyer në axhendën e BE-së, ne presim me padurim marrjen e statusit të kandidatit dhe pyetësorit, pasi angazhimi ynë ndaj reformave, zhvillimit dhe demokracisë vetëm sa bëhet më i fortë”, ka shkruar kryeministri Kurti. /Kosova.info/

EU enlargement is the best response to those who threaten the peace and unity of Europe.

I thanked President Ursula von der Leyen (@vonderleyen) for the invitation today and her support for the Western Balkans and congratulated her on her re-election.

Kosova is eager to join… pic.twitter.com/ZzPG3DGh6w

— Albin Kurti (@albinkurti) September 19, 2024