Afërdita Maliqi, një analiste e njohur, ka shprehur shqetësimin e saj për largimin e avokatit Geoffrey Emerson, i cili ka qenë mbrojtësi kryesor i Kadri Veselit, një nga figurat kyçe të UÇK-së. Sipas saj, Emerson është larguar për shkak të mungesës së fondeve, një situatë e ngjashme me atë të avokatit të Hashim Thaçit.

Maliqi ka kritikuar ashpër situatën, duke theksuar se është “e pafalshme” që luftëtarët e lirisë nuk po mbrohen dhe përkrahen siç duhet.

Ajo shtoi se të dy ish-udhëheqësit kanë dhënë provimin e tyre për vendin, por trajtimi i tyre aktual është një padrejtësi që një ditë do të marrë përgjigjen e merituar.

Maliqi gjithashtu ka kundërshtuar politikat që kanë çuar në ndalimin e fondeve për mbrojtjen e tyre, duke i cilësuar si udhëzime administrative që dëmtojnë procesin e drejtësisë. /Kosova.info/