Shefi i Grupit Parlamentar të AAK-së, Besnik Tahiri, ka thënë se sulmet ndaj gazetarëve në veri të vendit janë të sinkronizuara nga Serbia.

Përmes një postimi në llogarinë e tij në Facebook, ai po ashtu shprehet se sulmet ndaj medias shpërfaqin dobësi dhe brishtësi institucionale.

“Të lihen të pambrojtur nga kriminelët, përpos se tolerim i nëpërkëmbjes së parimeve dhe vlerave universale njerëzore, shpërfaq njëkohësisht dobësi dhe brishtësi institucionale”, shkroi Tahiri.