Ka arritur në Prishtinë zyrtari i lartë i Departamentit amerikan të Shtetit për Çështje Evropiane dhe Euroaziatike, Brendan Hanrahan.

Njoftimin për arritjen e tij e bëri të ditur Ambasada e ShBA në Kosovë.

Hanrahan u prit nga e ngarkuara me punë në Ambasadën e Shteteve të Bashkuara në Kosovë teksa ai po e realizon vizitën e parë në Prishtinë.

“Sot në mbrëmje, Anu Prattipati pati kënaqësinë të mirëpres zyrtarin e lartë të Byrosë së #StateEUR Brendan Hanrahan në vizitën e tij të parë në Kosovë. Presim një fundjavë produktive me takime dhe vizita për të përforcuar prioritetet amerikane të stabilitetit rajonal, sigurisë dhe prosperitetit ekonomik”, thuhet në njoftim. /Kosova.info/