Analisti Donat Syla komenton zgjedhjen e Dimal Bashes si kryetar të Kuvendit të Kosovës duke theksuar se, përtej reagimeve momentale, Basha është figura më meritore për këtë post dhe mund të shikohet si një kandidat i ardhshëm për president, sipas vullnetit të qytetarëve.

Syla kritikon standardizimin e budallallëkut si normë shoqërore dhe thekson se votuesit e Vetëvendosjes janë më të kënaqur me Dimal Bashën sesa me Glauk Konjufcën. Ai shton se, sipas direktivave të “magjistarit”, Dimali është në gjendje të përmbushë çdo rol, qoftë edhe figurën simbolike të një bariu me thupra.

“Urime Dimal, urime Kosovë!”, përfundon komentari i Sylës duke shprehur optimizëm për lidershipin e ri të Kuvendit dhe impaktin e tij në skenën politike kosovare. /Kosova.info/